"رويزق"

14-09-2018 08:15 PM مقالات مختارة 116

للاسف صرنا بزمن و وقت و مكان، السمعة و الشخصية فيه مستباحة.

منشورات و رسائل غريبة الهدف و المصدر و الغاية تستهدف الزقرت ابن السلط عبد الرزاق العربيات "رويزق".

رويزق يا سادة ما اشترى لقب الزقرت مشترى. رويزق يا اخوان اجاه هذا اللقلب قطف لبذور خير و محبة بذرها و زرعها. رويزق محبوب الشباب قبل الشيبان. رويزق كلنا لقيناه يوم احتجناه. رويزق فزع لكل من قال انا اردني في الاردن و خارج الاردن. رويزق ابن السلط، ابن دراج السلط. رويزق ابن كل بيت اردني شريف. رويزق ما اذنب اذا عنده علاقات واسعة. رويزق جاب مستثمرين للاردن اكثر من هيئة الاستثمار نفسها. رويزق ما فيه صلحة الا يكون اسمه موجود فيها من قريب او بعيد. رويزق ما فيه جاهة الا يكون على راسها. رويزق ما فيه ترح الا يكون من اول الحاضرين. رويزق هو زند الفقير. رويزق هو بوصلة الشهامة. رويزق فك نشب بين ناس كثار. رويزق هو تعريف البساطة، لا خبث ولا تمثيل ولا خداع ولا بوقة.

 

قبل لا تنشروا و تبعثوا و تكتبوا اي حرف عن اي شخص سواء كان رويزق ولا غيره، اتقوا الله باللي تكتبوه. اعرفوا انه اللي تكتبوا عنه شخص عنده اهل و عنده سمعة و عنده لسان يرد على كل شخص وضيع اغتال شخصيته فيه.

 

ابن عمي رويزق.. انا معرفتي بيك معرفة اهل و بني عم و شهادتي فيك مجروحة. لا تزعل انه اليوم صار اسهل شي في بلدنا اني نجيب طاري فلان و علان بالكذب قبل الصدق. و لا تزعل انهم قاعدين يسولفوا عنك. ترا ياما قلتلك يا رويزق محبتك و احترامك الزايد للناس الغلط راح يتعبك. للاسف صار الصالح و الطالح يكتب و يهرف و يغرف باللي يعرفه و باللي يجهله. و انا على قناعة تامة انه كل شخص قاعد يطعن بسمعتك هو شخص كان و ما زال يتمنى ان يصل لمكانتك و لمحبة الناس الك و لاحترامك بين الناس.

 

يقولوا اللي يقولوه و يكتبوا اللي يكتبوه راح تضلك بعيوننا الزقرت و الحبيب و العاقل و الغالي و يخسي من يجيب طاريك بالعاطل يالحبيب.

و سلامتك

تنويه

* تتم مراجعة كافة التعليقات من قبل ادارة الموقع.
* للادارة حق حذف اي تعليق يتضمن اساءة او خروج عن الموضوع المطروح, او ان يتضمن اسماء اي شخصيات او يتناول اثارة للنعرات الطائفية او المذهبية او العنصرية.
* للادارة الحق بحظر اي شخص يكرر المخالفات بنشر تعليقات غير مناسبة وايقافه عن التعليق بشكل نهائي.
* التعليقات تعبر عن رأي اصحابها فقط.