عندما يكذب الأردنيون: ابعثلي الـ CV و ما عليك

هاشتاغ مع هنا الخطيب

* على هاشتاغ #When Jordanian Lies

* أنا بحب سيارتي ولاّ كان نزلت بورش محلها

الأنباط

انتشر هاشتاغ When Jordanian Lies معناه "عندما يكذب الاردنيون" كالنار في الهشيم على موقع التواصل الالكتروني تويتر، وعبرت عنه كافة فئات المجتمع وعن حجم الكذب المتداول في المجتمع الاردني ، وتضمن اكثر ما تم تداوله عن الطريقة البروتوكولية التي لا تنفك ان تنتهي بين الناس.

وغرد عبد " عندما يكذب الاردنيون: لو ما بعدوني عنو الشباب ولّا كنت رافش ببطنه"، وماريانا تغرد " والله بابا دللني ادرس بقطر وقلي لا تنقلي هم اشي وحياة إمي بس انا حابة انزل الأردن أدرس الجامعة"، وهديل تقول " لما يكذبو الشباب: كنت بحبها فجأه خطبت وتركتني".

ومغير يشارك " يمكن ارسب والله *بالاخر بتلاقيه مسكر العلامة"، وأصيل تقول " بحكوا في ثلج بكرا أصلا عجلون مسكرة"، ويعلق محمد على ما حدث مع السفيرة الامركية والنواب " انا ما بستها، هي اللي حضنتني ، هاتي بوسة يا بت"، ومؤيد يضيف "ع كل هاي الكذبات الي كلنا بنعرفها الى مع هيك بنمشي لبعض يخي شعب بالتمشايه بنكذب".

اما يزن فغرد على كذبات الاردنيين " خلص عندي، من اخرط ما قرأت"، وطارق حماد " انعرض علينا أراضي بعبدون وطريق المطار وما قبلنا نشتري"، وحازم يغرد " انا ما حملت المادة ، دكتور حملني ياها"، ومغترب يضيف الى ذلك " صحلي دلم الارض بعبدون بنص ليره أيام زمان".

وانس يغرد " انا بحب سيارتي ولا كان نزلت بورش محلها"، وسارة تعبر عن كذبة الامهات " والله يما 100 بنت بتتمناك و هو ابنها شبه منقوشة الزعتر"، وعبدالله فقيه " خمس دقايق وبكون عندك والاصل ساعة او اكثر"، و" يازلمه والله متذكرك مش ناسيك"، ومحمود يغرد " بضربك عشان مصلحتك".

ويقول أدم " عندما يكذب الاردنيون: شو بتشتغل – مدير"، وتوجان تشارك " أنا طنشته بس هو لسا بحاول يتقرب مني"، وعن كذبة الشباب المشهورة تغرد مايا " انتي غبية اشي؟ انتي رح تكوني زوجتي المستقبلية"، وجرار " والله ما كنت اعرف يزم لو قلتلي قبل هاي بتنحكا لكلشي".

وفراس يغرد بما يقوله لاصدقاءه " شايف البنت هذيك يا زلمه هاي انا مزبطها وشايف صاحبتها وك هاي انا وياها على العظم"، ومروة " اتقدملي عريس كثير منيح و أبوي موافق عليه و كمان ابن عمي بده اياني"، وعدي يغرد بما يسمعه من البنات ولا يكون صحيح " بعيش معك على حصيره ورأس بصل".

ومن الجمل المشهورة يقول احمد " من اول ما شفتك ارتحتلك"، وليث يشارك " ليوم أول مرة بدي أفتح المادة ولا بعرف عنها إشي وحياتك واخر اشي بجيب علامة كاملة"، ولؤي يغرد " الجامعة سهلة وما فيها دراسة"، و" بيتقدملي كثير عرسان مناح بس أنا ما بدي"، اضافة الى "الله يلعن أبو المصاري والله ما بتهمني أبدا".

ومحمد برقان يدل على سلوكيات البعض " من غير فيروز ما بمر الصباح وهو بكون بسمع مجوز"، وابو هديب يشارك " خلص محلولة يزم موضوك عندي ، بسيطة"، ورامي يغرد " هاي الساعة اهداها الملك لابوي، كلهم بحكو هيك"، وهنا تقول " سبحان الله لسه بسيرتك.. والله لسه بدي ارن عليك".