رسالة من المواطنين الى المتنبئين الجويين: تتوقعوش اشي لو سمحتوا

هاشتاغ مع هنا الخطيب

* جدتي لما تحكي هواها ثلج يعني ثلج هي الصح وبس

* بأمريكا بحذروا من الثلوج ومابتيجي بس مابفضحوهم

 

الانباط

انتقد التويترجية التخبط الذي شهدوه من قبل المتنبئين الجويين في الايام القليلة الماضية، وعبروا عن استياءهم من تهويل الامور، مع العلم بأن بعض مناطق المملكة كالطفيلة والكرك شهدوا تساقطا كثيفا للثلوج وما زالت مستمرة، لكن في العاصمة عمان شهدت بعض المناطق تساقطا للثلوج لكن غير مستمر.

وغرد احمد علي " اي والله جدتي بتفهم بالطقس اكثر منكم"، وعيسى يغرد " كل مرة بحكو فيها في ثلج بتيجي اكمن نقطة طب مش عندهم خرائط متميزة عقولتهم ليش ما يكونوا دقيقين"، ومنال تقول على ذات الموضوع " هم ذاتهم مش عارفين شو يحكوا وصارت الشغلة تحدي بين بعض مش اكتر".

اما طارق فغرد على هاشتاغ الارصاد الجوية "بس لما الحج يفقع الجرابات فوق البنطلون جوا الدار انا بكون متأكدة انها ساموطة"، ورولا تضيف " الى المتنبئين الجويين لا تتوقعوا اشي لو سمحتوا"، وهاني يقول " بأمريكا بحذروا من الثلوج ومابتيجي بس مابفضحوهم زي عنا".

وعبرت احلام عن استيائها الشديد مما تشهده بين الاخبار المتناقلة " احنا مش عارفين تطلع من البين ولا لأ، الحكومة مش معطليتنا والامن بحكوا لا تطلعوا لأي سبب كان"، وفي اربد غرد عبدالله بصورة لسائق تكسي كتب على النافذة " اللي معهوش يركب ببلاش"، وهذه اخلاق الاردنيين.

وغردت هيفا عن جمال اربد في الثلج وقالت " الجو بشارع البترا زي اوروبا يا ربي عالجمال"، ونورس يشارك " ليه نلوم محمد الشاكر مع انه عندنا الارصاد الجوية خليهم يشمرو عن ذراعهم و يعطونا التوقعات الصحيحة"، وغردت سارة " للاسف الثلج في الجنوب والخبز يتلف في عمان مش حرام".

وبرأي اسامة من الافضل كميات قليلة من الثلوج " منيح ما ثلجت اكتر  كان فصل الشعب"، والزغول يقول " السؤال الاكثر تداولا هذا الاسبوع بالاردن "ثلجت عندكم وين الدليل"، ومي " السؤال الذي أشغل الملايين : هل سوف نعطل"، وزينة تغرد " المنخفض نفسو صار يشك بحالو".

اما سالم فقال في الثلوج اشعارا منها " الثلج يتساقط بهدوء وأدب ..والأرض تحتضنه بحنان دافيء ..والشجر المتجرد من أوراقه يقف بكل فخر"، وعباس يشارك " شو ما كانت توقعات الارصاد الجوية رح يصير في لوم من المواطن او الحكومة لان احنا شغلتنا توجيه اصابع الاتهام لبعض".