#هاشتاغ مع سحر موقف لفت نظري ..

الانباط - سحر الخطاب

موقف لفت نظري ..
وحدة بتحكي عن شي صار معها مع الانسان المرتبطة فيه, ف المختصر انه هي مزعليتوا بشي و حكت معه تراضيه و ما رضي و ضل زعلان و حاولت كتير , ف لما فقدت الامل حكتلوا خلص انا رح اروح و انت لا تنسى انه بكرا عندك موعد الصبح مع السفارة .. ف هو عجبه كيف هي مهمتة في اصغر و اتفه التفاصيل الي بتخصه .. ف ما خلاها تروح و راضاها ..

الفكرة انه في ناس بتقدر اهتمامك مهما كان بسيط و سخيف جدا .. يمكن الي حكتو هي شيء لا يذكر اصلا.. بس في ناس بتحسسك انك عملت شي كبير مع انه بيكون صغير او مش صعب.. و في ناس لو شو ما تعطيهم اهتمام و لو شو ما تعمللهم بيضلوا شايفينك عاطل و مش عامل شي و مقصر و في ناس احسن منك ..

الناس الي بتقدر أدق الامور و بتحترمها هدول ناس رائعين جدا و بيشجعوا الواحد دائما يعطيهم اكتر و اكتر .. و الناس الي عينها فارغة مع الوقت بتخسر كل الي كان يتقدملها و هما ما كانوا يقدروا... او حتى ممكن يخسروا الاشخاص نفسهم فقط لعدم التقدير ...

‫#‏التقدير_مهم‬ !