#هاشتاغ مع سحر ما تاخد كلام من حدا

الانباط - سحر الخطاب 

اوعك ثم اوعك تاخد كلام من حدا عن شخص معين و تصدقه و تمشي فيه ، من اكتر العادات السيئة الي موجوده في مجتمعنا انه بنسمع حكي عن فلان و خلص بنقتنع فيه و بنعامل الشخص على اساسه و احنا لا معاشرينه ولا حتى بنعرف عنه اي شيء..

مبدأ انك تكون حذر لازم يكون مع الكل بس إتعامل مع الشخص و اعرفه منيح و لا تحكم عليه من كلام بعض الاشخاص.. يعني ما بتعرف هما شو عملوا فيه لحتى هيك مثلا كانت ردة فعله الي وصلتوا لهاد الموقف السيء .. خليك ذكي و لا تكون سطحي و لا تسمع كلام من حدا ع حدا..!