#هاشتاغ مع سحر #‏شب_بيقول‬

الانباط - سحر الخطاب 

#‏شب_بيقول‬
في الصويفية 
وحدة بتمشي قدامي و انا وراها بعيدة شوي عني ، ماشية و بتحكي بالموبايل، و لفت نظري انها بتصرخ و شكلها بتبكي المهم طلعت من شنتتها و هي بتحكي بالموبايل نضارتها الشمسية بسرعة و هي مرتكبة و مش منتبهة وقعت منها "محفظتها" ، و مشيت ايجيت بسرعة مسكت المحفظة و ضليت صافن فيها و فتحتها بالعقل لقيتها معبية مصاري ، بصراحة الشيطان لعب في عقلي و اصلا وقتها كنت مفلس ، و خلص في جواي شي بيقولي خدها و روح .. المهم هي صارت بعيدة عني كتير بس انا شايفها، حسيت للحظة انو لازم لازم ارجعها الها و فعلا صرت اركض و اركض في الشارع عشان الحقها و ارجعلها محفظتها ..
و وصلت عندها دخلت هي ع محل ف قعدت استناها برا و بس طلعت قولتها انك وقعتي محفظتك و تفضلي .. المهم هي فرحت كتيير و انبسطت و شكرتني بعد ما كانت معصبة صارت مبسوطة ..

المهم بعد فترة قليلة طالعين انا و الشباب نلعب carting و وقع مني موبايلي و روحت ، المهم رنيت ع رقمي بعد ما روحت و انا متأكد انه خلص انسرق و ما رح يرجع لانه اصلا كان جديد و كنت فاقد الامل ، بس من حسن حظي الشب الي لاقى الموبايل طلع ابن حلال و أصر انه يجي لعندي لحد البيت و يعطيني اياه بإيدي .. ف ع طول اتذكرت موقف البنت الي رجعتلها محفظتها ..

** بإختصار الخير الي بتعملوا مستحيل يروح على الفاضي ..! ** 
‫#‏سلف_ودين‬ ..