بحث عن احتفال

 

 

 

وجع راس رهيب ..لا اعرف من ايش ..؟ قد يكون من الضغط العام ..! سيسألني كثيرون : وهل الضغط العام عليك وحدك ..ما احنا كلنا مضغوطين وراسنا ما بوجعنا ..!

صدقوا ..وجع الراس معناتو مش من الضغط العام بالضبط ..يجوز عشان الشعب ضايع و مش عارف شو يعمل براس السنة و بالكريسماس ..

آه الكريسمس ..

وين بدك تروح يا المشرمحي وين ..؟ لازم تحتفل ..اللي بيحتفلوا مش أحسن منك ..ليلة وحدة بس انسى انك متجوز ..انسى انك عليك أجرة بيت مكسورة ..انسى الفواتير و اللي جاب الفواتير ..انسى أقساط البنك ..انسى الكمبيالات اللي موقع عليها ..انسى عدد الناس اللي متداين منها بكل زقة حارة و شارع ..انسى أبوك و أمك و طلباتهم ..انسى و أنسى و انسى ..خلي كل تركيزك في الكريسماس ..في الهجوم على الاحتفال ..في السعادة التي تودّ اقتناصها ..

كم أنت تحب السعادة ..؟! تحبها لأنها ليست معك ..لأنها تغيب عنك ..لأنك تعطيك مواعيد ولا تأتي ..لأنها شايفة حالها عليك و متكبرة و مغرورة ..لأنك مواطن ..و المواطن دائما بلا سعادة حقيقية ..

أي احتفال و أية سعادة ..؟ تضحك على حالك يا المشرمحي ..تريد أن تتخوث ..؟ تريد أن تأخذ دوراً ليس دورك وليس لك من الأساس ..؟ !

أحكيلك ..؟؟ مش راسك يوجعك ..فلتبقَ في وجع الرأس افضل لجميع الجهات ..