يعيش مجلس النواب

 

 

اكتب لكم ولا ادري الى اين سيؤول تصويت النواب على قرار رفع اسعار الكهرباء ..لان الجلسة وانا اكتب ما زالت منعقدة .. والصراحة انا مش فاهم هم رايحين يصوتوا والا بس يفقعوا خطابات والا يتهاوشوا والا يتعازموا والا رايحين يبوسوا بعض من هون وهون كل هون بهون . واحنا نتفرج

بس السؤال المهم : ليش انا اكتب و ما استنى النتيجة و اكتب على المضمون ..؟ ببساطة : مش فارقة معي النتيجة ايش ما تكون ..لانها لن تصل الى مستوى الغاء الرفع بشكل كلي .وكل الهوشة مثل ما انا فاهم هي على انهم بدهم يخوزقونا بخمسين بالمية والا بخمسة و عشرين بالمية ..؟؟ و المخوزق مخوزق حتى لو على راسو بطحة ..و اعتذر لتداخل الامثال على بعضها..

المهم : النواب و باعتراف الشعب الاردني كله دون استثناء انهم نواب جعجعات و حكي فاضي ..وشغل عزايم و مناسف و جاهات و عطوات .. وحكومة بشهادة الشعب الاردني كله دون استثناء انها حكومة قاسية و ظالمة و متفرعنة ومش لاقية مين يردها ..

عشان هيك ..وايش ما كانت التائج فطول عمرك يا زبيبة بـ.....ك عود ..وما حدا يقولي ما تستعجل و استنى ..مش مستني ..ومش ساكت لحد ما يطلع القرار ..

شايفين : طلع القرار ..وخذلوني النواب و صوتوا ضد الرفع ...وانا مش مغير المقال و عنزة ولو طارت ..لأن القرار غير ملزم ..والنواب ما بيصمدوا للآخر.

احكيلكو ...انا شعب غلط ..انتخبنا ارتفاع اسعارنا بايدنا ..جبنا البلاوي لحالنا ...عشان هيك ...يعيش مجلس النواب ..يعيش يعيش يعيش.