ضحكنا عليكم ويا غافل إلك الله

 

 

 

 

في كل عام بيطلع وزير، أمين عام، مسؤول واللي هوه بيقول بدنا نعمل مشروع يهدف لتحسين هالبلد، مرة قطار سريع ومرة مشروع تطوير ومرة بعرفش ايش.

المشكلة مو بالمشروع اللي بدهم يعملوه، احنا بلد صغير تضاريسه ما تسمح لعمل أي إشي والمشاريع هاي بدها فلوس ضخمة إحنا مش قدها، بنشحد من هاظ وهظاك وبنزيد مديونية هالبلد ويا حسرة الشعب هوه الذهب المدفون اللي تخرمت جيبته من كثر الدفع، الشعب يا حرام مش عارف من وين بدو يلقاها.

زمان قالوا اللي ما معه ما بيلزمه وعلى قد لحافك مد رجليك ،وهسه حبيبنا بدو يرفع الكهربا لأنها اوشكت على الافلاس ومش عارفين شو بدهم يزيدوا كمان.

 

* وين المصاري اللي أخذتوها من الحبايب الدفيعة؟؟؟

 

* شو صار فيها ؟؟؟

 

* دخلت جيابكم ما طلعت ؟؟؟

 

اسمعوا لعاد أنا ما بدي أشارك معكوا بأي إشي وأعطوني حقي ناشف وأنا حر في التصرف فيه لأنه المثل بيقول اللي معه قرش بيسوى قرش، فضيت جيبتي ومش حابب أشحد عشان مكافحة التسول ما تلمني ويعطيكم العافية.