الشب لما بده يزبط البنت بحكيلها عن مغامراته اللي عمرها ما صارت

هاشتاغ مع هنا الخطيب

 

* على هاشتاغ # الشب_لما_بده_يزبط_بنت

* معلش اجيت اليوم على الجامعة مواصلات لانه ال E200 تبعتي مع اختي

 

الأنباط

في هاشتاغ انتشر بدقائق قليلة على مواقع التواصل الاجتماعي كسرعة البرق، وعن تكتيكات الشباب التي باتت مكشوفة جدا في تزبيط البنات، " الشب لما بده يزبط البنت" تضمن مغامرات واحلام وتحديات الشباب ومدى المآسي التي يمرون بها بمجرد محاولتهم لتزبيط البنت.

 

فيغرد علي قشوع على الهاشتاغ "الشب لما بده يزبط البنت بحكيلها أنا شايفك قبل هيك بس مش عارف وين"، و"عفواً بس مش إنتي بنت خالتو فريال"، ورحمة تغرد " بتذكريني بحبيبتي القديمة اللي ماتت  عاد بكون مصاحب بسس الحارة"، ومحمد يقول "بتعجبني كلماتك الراقية المستمدة من خلاصة الصبار والبابونج معلم هاي دعاية نيفيا فاهم الموضوع غلط".

 

ومعتز يشارك " الشب لما بده يزبط البنت بحكيلها وهو مسبل عيونه من أول ما شفتك حسيت بإحساس غريب"، واحمد"ببلش يعرط بالمصاري اللي معاه او مع ابوه و البنت بتبلش تلهث ع مصرياته"، ويضيف "جميع ما كتب هنا هي خاصه بثقافه الشعب الاردني و لا تمثل اي شعب اخر من الشعوب".

 

ورضوان عطيات يغرد "انه في كتير اشياء مشتركه بينا ، يعني احنا التنين بناكل و بنشرب و بنام و بنروح عالجامعه ، مش معئول شو في تشابه "، وسوزان تضيف "والله شو ما بيعمل إذا هى ما بدها ما بتتزبط"، وريمي تقول "مش طبيعيه انتي! اول بنت بتفهمني".

 

وابو قاسم يغرد " اصلن نفسي ازبط بنت ، دايما همي الي بزبطوني"، وشديد يضيف الى ذلك "كنت احب بنت بس ماتت بحادث وبعدها لم احب الا انتي"، وغاردينيا " بتصدقي عيونك حلوين وهي بتكون حاطة صورة اصبع اجرها ولا وهديك بتصدق كمان"، وفارس "الله يرحم هديلك الأيام صارت هي تزبطو".

 

اما حسن فيدافع عن العنصر الذكوري ويغرد "اتركوه يعرف يربط لازم تخربوها وتكشفو الاسرار"، ونور تعلق "انتي اول حب ب حياتي وطبعا بيكون حكالها لمليون بنت"، ورغد ترد على الهاشتاغ "بضل يحكي ويلمح عن الموضوع و لما تسألي شو قصدو بقلها فهمتيني غلط انتي اختي و انا اصلاً ما عندي وقت لهيك شغلات".

 

وايهم يشارك " الشب لما بده يزبط بنت عالسريع cover photo أقوال محمود درويش وبصير يقرأ روايات عن الظلم والإنسانية وبعدها ببلش يدافع عن حقوق المرأة"، وباسل يغرد "بكتبلها انا غير عن كل الشباب، الكاتب: كل الشباب"، و روعة تقول "بوصلها وين ما بدها على اساس ازمة ومش رح تلاقي تكاسي بصير شوفير الاخ".

 

الا ان ايهاب لديه رأي اخر "انا افشل شخص ممكن ينسال هذا السؤال"، وحسام الصويص يغرد "بحسسها انو الأمير الي خايف عليها من الأعداء"، وفارس يسرد حوار بسيط عما سيجري "معك خريطه ؟ ليش؟ لاني ضعت بهالعيون"، ومحمد يسرد حال الشاب كيف يكون "بالكافيه بزبط النظاره الشمسيه و رجل ع رجل و فاتح القميص للصره (يععع) و ببلش عرط عالموبايل و تسميع حكي".

 

واسيل السعودي تغرد "اي اشي بتحتاجي هي رقمي، لا تخجلي خف علينا يا وزاره السياحه"، وابو تالا يشارك "بصير بده يتعلم جيتار و يصير ملك الاحساس"، وزهور تكشف اقدم اسلوب في تاريخ التزبيط "معلش دفترك أصور المحاضره الماضيه وهو أصلا بكون عمره ما كتب".