طلاب الثانوية العامة يطلقون هاشتاغ #نناشد_الملك_عزل_الذنبيبات

هاشتاغ مع هنا الخطيب

بعد الامتحان الاول للدورة الصيفية لعام 2015

* شكله الذنيبات مفركنا لسا تحت الانتداب البريطاني


الانباط

اجمع طلاب الثانوية العامة امس، بعد الانتهاء من اول امتحان لهم "اللغة الانجليزية"  للدورة الصيفية لعام 2015 على ان الاسئلة جاءت تعجيزية، وخرج اغلبهم يبكون ويندبون حظهم بهذه المستويات الصعبة والتي خرجت تماما عن سياق المادة المقررة، كما ان حالات اغماء واحباط كبير سيطر على نفسياتهم بعد الامتحان.

وغردت صفحة توجيهي الاردن "الذنيبات هو مشروع متميّز لتدمير عملية التعليم في الأردن"، وتسنيم تطالب " ياريت يعيدوا الامتحان ويعزلوه"، واماني تقول " نناشد الملك عزل الذنيبات لإنو بكفي مستقبلنا ضاع ! عشان حضرتو عم بنتقم على الاشي اللي صار معو و هوه توجيهي".

والمهندس عصام غانم غرد بهذا الخصوص "شكله وزير التربية و التعليم رد على الناس الي كانت كاتبة #أنا_مش_عربي و طقعهم امتحان #أنا_مش_إنجليزي"، ومالك " طالب توجيهي بعلّق عامتحان الانجليزي بقول: شكله الذنيبات مفكرنا لسا تحت الانتداب البريطاني".

وفي محاولة لرفع معنويات الطلبة قامت صفحة وداعا توجيهي بنشر طاقة ايجابية علها تساهم في التخفيف عما عانوه في اول يوم امتحان وغردت "إذا لم تفشل ، فلن تعمل بجد ما الفشل إلا هزيمة مؤقتة تخلق لك فرص النجاح، ابدأ استعد للامتحان القادم"، و"إن الاتجاه الذي يبدأ مع التعلم سوف يكون من شأنه أن يحدد حياه المرء في المستقبل انتبه لمستقلك، اترك الأثر السلبي".

وأضافت الصفحة بهاشتاغ عينك على المستقبل "السيطرة ضارة إلا سيطرتك على نفسك لا تترك امتحان اليوم يسيطر عليك سيطر عليه"، اما امجد فيصل فنصح الطلاب " مناقشتك للأجوبة ع الفاضي احمل كتابك يا ابني و ع غرفتك أحسنك.. بلاش ترجع تطخ بكرا"، وفرح "حبايبي باقي المواد تكونوش زي الانجليز هذول كفار".

وبيان تبدي وجهة نظرها بالامتحان وتقول "الإمتحان كإمتحان مستوى بالإنجليزي مش تعجيزي. لكن ما بيقيس مستوى الطالب بالكتاب المقرر"، وعمار " الذنيبات اجى ليكحلها عماها"، وراشد "لازم الذنيبات فوق ورقة الامتحان كتب  اشوف الزلمه فيكو ينجح ".

وصبا تغرد "اذا أول امتحان هيك الله يستر من الجاي"، وياسمين تطمأن الطلاب بـ"ولما بكون في كتير طلاب مخبصين بالامتحان بزيدوا علامات وبسنتي زادوا علامات لامتحان الفيزياء اكتر من١٥علامة وبالتوفيق"، وامجد يشارك "يخوان خلص بكفي سيرة توجيهي يعني هي وقفت عليه؟ مهو أساس التعليم فاسد، الطريقة فاسدة، التصنيف قبل التوجيهي فاسد وحتى قبول الجامعات فاسد".

وجواد يقول "امتحان الانجليزي اليوم برعاية جامعة مؤتة"، ووفاء العزام تغرد "بس بتعرفوا، لازم نفكر شوي، يعني 12 سنة بناخد إنجليزي وعلى الفاضي، وبطلع الطالب دوبه فاهم الأساسيات، في خلل بالتدريس".