العريس الاردني بالفاردة فورد موستينج 2015 وفي الصباحية كيا سيفيا 94 أقساط

هاشتاغ مع هنا الخطيب

* على هاشتاغ #العريس_الأردني

* أنا بدي اياكي عشان أخلاقك مش عشان مصاريكي المتلتلة

الأنباط

الشاب الأردني يختلف اختلافا كليا حين يكون عريسا، فهو يختار اغلى الماركات لبدلته، واشيك نوع لسيارته، وساعته عادة ما تكون " سلبطة" من اصدقاءه وباقي الامور يتولاها الاهل والاقارب، ماعليه سوى ان يبدو بأبهى طلة اما عروسته الجميلة "الموظفة" التي دفع كل مايملك حتى يأخذها لبيته، والف مبروك.

وعلى هاشتاغ " العريس الاردني" غرد محمود " المهم موظفه يكمل نص راتبه مو دينه"، واحمد يقول "زيه زي اي عريس عادي"، ومرح تغرد "بنشوفه عباره عن بنك متحرك وبالحقيقة هو جيبته مفروطه"، وسامي يؤكد بأن العريس الاردني في الفاردة فورد موستينج  2015 كشف وفي الصباحية كيا سيفيا 94 أقساط".

اما علي قشوع فيغرد " العريس الاردني: أنا بدي اياكي عشان أخلاقك مش عشان مصاريكي المتلتلة"، وحنين "بدو بنك عشكل بنت"، وساجدة الضمور تغرد "يشترط ان تكون وراها ورثه مرتبه من الوالد وموظفه ولا يهم شكلها او حتى اصلها من فصلها"، وهيفا "بعرف واحد كان يدور على عروس دارسة إنجليزي".

احلام تقول عن مواصفات الزوجة "بده وحدة بيضا و طويلة و عيونها زرق و موظفة معلمة تحديداً"، ومروة تضيف "بكون شبه الكبدة وبده عروس شبه انجلينا جولي"، و"تكون معاقة مشلولة هبلة عورا خرسا عادي المهم موظفة"، وابراهيم يغرد "يمه بدي وحده معاها جنسية أمريكية، الام مين بدها تتطلع عشكلك يا مشرتم".

ومحمود يغرد على الهاشتاغ " حكيتي مع شباب غيري بالجامعة؟، لا كانت تستنى بسحنتك"، وعرين تخاطب الشباب " اهم اشي موظفة، طيب فاهمين ان الحياة تاركية بس مش هيك مش يكون شرط من شروط الزواج"، واحمد ابو طالب "بحاول يصير رجال عليها بس مابقدر".

اما نهال فغردت " بكون لاف عنص بنات الحارة ومتعرف عكل بنات الكلية وعارف اغلب بنات العاصمة، واخر اشي بدو وحدة مش متعلمة مخلصة صف تاسع ولابسة جلباب ومابتحط مكياج"، ومريم تضيف " بدو اياها موظفة وخصوصي معلمة لانه بغار".

وغرد عيسى على العريس الاردني " ياحرامكم من الله، ماله العريس الاردني مش اخرته بنقي بنت وبصير من اسد الى بسة، المهم انه تعدل"، الا ان سارة تضيف على تغريدة عيسى وتقول " ياريت بتعدل بصير بصاص وخاين اكتر من ايام العزوبية وطبعا مش الكل".

وفدوى تعلق " اولها ياحبيبتي اللي بدك اياه بشتريلك عامل حاله سوبر بنك، ولما يتزوجوا كم كيلو خيار بدك، 2 كيلو لا كثير خليها كيلوا واحد احسن"، الا ان هنادي غردت " العريس الاردني بكون بجنن اول الزواج وللنهاية لو الزوجة عرفت كيف تضلها عنفس الوتيرة".

شروق تغرد على العريس الاردني " بحاول يكمل العفش بقدرش، بحاول يكمل الدهب بقدرش، بحاول يجيب اغراض البيت كلها بقدرش هي الحياة صعبة ما اختلفنا لكن يجيب موظفة عشان تكملوا الاشي اللي لازم يعملها اياه .. لا هون صفت صفقة زواج وليس عملية انسانية".