وقت أبطال الديجيتال كنت احاول ادخل راسي من التلفزيون مشان ادخل على العالم الرقمي معهم

هاشتاغ مع هنا الخطيب

* على هاشتاغ #معتقدات_الطفولة

* كنا نحكي الحفاية المقلوبة حرام

الأنباط

نكبر ونعتقد بأن بعض الامور التي ترعرعنا عليها ما زالت صحيحة، كمعتقدات الطفولة التي ظلت تسبب رعبا من نوع أخر لنا حين كنا صغارا، ابو رجل مسلوخة، واميرات ديزني، والبعبع والقطة السوداء من اشهر القصص التي صدقناها، وتستمر امهات المشي على ذات النهج لتحذير وترهيب الاطفال.

وغرد سعيد على هاشتاغ معتقدات الطفولة " ابو رجل مسلوخه كان مسببلي رعب مو طبيعي"، وسعاد تقول " من معتقدات الطفولة ان لما أكبر راح انجح توجيهي"، ونورا ظنت " كنت فكر الرجال بجيبو صبيان .. والنسوان بجيبو بنات"، وعبدالله كان يظن بأن عروب صبح هي اخت ماجدة الرومي".

واريج كانت من معتقداتها الطفولية " ابعد مكان بشوفه من بيتنا ..هو نهاية العالم"، وديفيد يقول " كنت افكر انوا الكبار بيفهمو و واحنا يلي بنوجعلهم راسهم طلع الكبار بيوجعو راس بعض"، وندى تشارك " انه القمر بيمشي معنا وين ما نروح"، ومعاذ الزعبي كان يظن " اذا بتطلع وهي بتثلج ما بمسك الثلج".

وغرد مازن " كنت استغرب كيف اللي فالجامعة بيفهمو الخبايص اللي بعلوم الكومبيوتر بس لما كبرت اكتشفت انهم ما كانوا يفهموها"، وخالد " إنه بأخر الكره الأرضية لو مشيت كمان حتوقع بالفضاء"، اما لانا فترى بأن " كنت فكر انو القمر احلى مني طلعت انا احلى من القمر".

ومحمد يضيف على معتقدات طفولة " الاكل بس يطيح منك ع الارض مابينفع تاكلو لحسو الشيطان لانو ياما شغلات كتير راحت علي من ورا هالقصه.. لحسها قال"، و" انو اعظم ذنب انك تشوف الحفاية او الكندرة مقلوبة وماتعدلها ... ضاعت طفولتي وانا بقلب في الحفايات والصنادل".

اما رانو فكان اعتقادها " انو مافي حدا بالعالم غير انا واهلي لأني ماكنت اشوف ناس غربين بالمره وازا شفت بفكر الله خلقهم مشان اشوفهم وبعدها يختفو"، وايمن يشارك " كان نفسي اعرف كيف بيتحولو الليل والنهار والشمس والقمر كنت بستغرب جدا وجود القمر بالنهار"، ومؤيد " اذا رحت ع الحمام بالليل وانا راجع بغليها ركاظ لانه بحس في حد لاحقني".

وقال ابراهيم " من معتقدات الطفولة  تلعبش بالليل لانه النهار للإنسان والليل للجن فظليت ع هالموال لليوم هاظ يزم بخاف اطلع بالليل"، وشهد " يا شمس، خدي سن الحمار و اعطيني سن الغزال، اعتراف ان احنا حمار"، وخلود تتسائل " أبو رجل مسلوخة عنجد موجود".

حتى هاجر كان لديها معتقدات " كنت افكر حياتنا مسلسل كنت طول الوقت امثل"، وحسن يغرد " اذا عديت النجوم, ممكن يطلع ثواليل ع أيدي"، وميس يغرد " وقت ابطال الديجيتال كنت احاول ادخل راسي من التلفزيون مشان ادخل على العالم الرقمي معهم".