البنت بس تتزوج بتقطع علاقتها مع صاحباتها أو بتتغير عليهم

 

 

هاشتاغ مع هنا الخطيب

* على هاشتاغ #كيف_تعرف_إنه_البنت_تزوجت

* أهم إشي تصبغ شعرها أصفر

الأنباط

اطلق التويترجية هاشتاغ جميل حول دلالات الفتاة حين تتزوج، كيف تعرف انه البنت تزوجت من عدة عادات يقمن بها، وانهالت التغريدات على الهاشتاغ بطريقة مضحكة جدا، فمنهم من " فشوا غل" الشباب حين اعترفوا بالامور التي قاموا بها، وغرد الشباب حول ما يلاحظونه عادة حين تتزوج فجأة.

فغردت الهام " تعرف البنت بس تتزوج بتصبغ شعرها اصفر كيف وليش ماحدا عارف"، وسيف يغرد "لمّا تصير تقعد مع صاحباتها و تقولهم "لساتكم بتحكو عن الشباب" ع أساس قبل ما تتزوج كانت بتحكي معهم عن قصص الانبياء"، وبهاء "اهم اشي طبعاً صورة الايدين فوق بعض والأشقر ثم الأشقر".

وأروى تغرد "تفوت صاحباتها اللي مش متزوجات او مخطوبات و تتقرب من المتزوجات على أساس ان نحن متزوجات فاهمين على بعض"، ودانا تقول " بتغير رقمها وحسابها على الفيس وتعمل بلوك لكل الشباب وبتتغير على صاحباتها واخر اشي بتنكشف".

اما علي قشوع فقال "أفاتار تويتر خاتمين عالفيس صورتها وصورته عالانستقرام صور طبيخ لخطيبها"، والاء خلف تقول " بتصير تشوف حالها عصاحباتها"، ونور تضيف "بتصير لما تروح عند أهلها ، بتعمل حالها مش عارفة وين الملح موجود"، الا ان امل ترى بأن ما يكشف انها تزوجت " اذا حطت ف بروفايلها " حسبي الله ونعم الوكيل ".

واسيل حويش تشارك على هاشتاغ كيف تعرف انه البنت تزوجت" بتبطل فعالة على مواقع التواصل الاجتماعي"، وشيماء تغرد "اكبر دليل الذهب يخشخش من الكوع للكرسوع"، وحسام الصويص يرى بأنها "بتعمل Factory reset للفيس بوك و التلفون عل اغلب في تلفون جديد عا حساب العريس"و "بتقلعطنا بصور عرسها اول سنه على الفيس بوك ".

وسارة خزاعلة كما يبدو متزوجة اذ غردت "طب عادي هي أنا تزوجت وضليت طبيعية"، ونونا تشارك "تبدا تشتغل بالسحر علشان تحافظ على الصيد الثمين"، وترى غادة بأنه " بتصير كل منشوراتها ع الفيسبوك ادعية ومواعظ"، وانس شديفات يغرد " بتغير نوع العطر من ابو ليره لماركات".

اما مجد فقالت عن البنات "لازم تيجي اول طلعة بعد العرس لابسة كل ذهبها وكعب ولون ببرق ومكياج أوفر وبتكون مش مصدقة حالها"، وباسل جبر يغرد "مابتخلي صورة للنضوة تبعها الا بتنزلها صورته وهو باكل وهو بضحك وهو بسوق صورة هويتها بعد ماغيرتها وحطت صورته بدالها".

ومهند يغرد " تصير تسحب افلام على صاحباتها ومفكرة ان كل العالم حاسدينها"، واخيرا غرد شرف "كثيرات  يتغيرو للأفضل تحس بقيمه امها وابوها وتفقدهم تحاول تبر فيهم قد ما تقدر ، و لما تصير ام تتغير شخصيتها للأحسن".