نحو حياة خالية من المجاملات – كأنك نصحانة؟ .. – ماباكل من تلاجة ابوك

هاشتاغ مع هنا الخطيب

 

* على هاشتاغ #نحو_حياة_خالية_من_المجاملات

* ليش ما اجيتي عحفلتي؟ - محدش بالصف بطيقك صراحة

 

الأنباط

نحو الصراحة الفذة، أُطلق هاشتاغ خاليا تماما من اي نوع من انواع المجاملات، حيث انها دعوة للمواطنين بالابتعاد عن ما يسمى المجاملات ومسح الجوخ، يعتقد البعض بأنها نفاق واخرون يرون بأنها ضرورية لكسب الود او المنصب وغيرها من الامور، فكيف ستكون حياتنا لو ابتعدنا عن المجاملات.

غردت عاصمة على هاشتاغ نحو حياة خالية من المجاملات " ليش ما اجيتي عحفلتي؟ - محدش بالصف بطيقك صراحه"، ومحمود يغرد "شكلك عامللي بلوك عالفيسبوك بالغلط -لا مش بالغلط"، ومؤمن يقول "لا تصاحبنيش مصلحة ﻷنه أنا نفسي مش مستفيد من حالي"، و"- زمان عنك وين ما بتسأل؟ -تا تكون انسان بسأل عليك".

وسارة تغرد على منع المجاملات "- ليش ماتردي عالجوال ؟ - لأن مالي خلق ارد عليك"، ومرح "سمنانه- ماكله من ثلاجة ابوك ؟"، واسامة يضيف "- مشتاقلك - قرفانك"، ورشا تشارك "بصراحة انتي بتهميني وغاليه عندي بس تهتم بأمك بالأول خيو"، وطلال يعبر عن رأيه" في فرق بين انك تكون لطيف وبين انك تجامل واحد لدرجة النفاق.. عموماً بطبيعة الحال ما بجامل الا الي بحبهم".

اما رانيا فقالت "المجاملات هى سر بقاء الجنس البشرى والا الناس كان قتلوا بعض"، وعبد الرحيم "حلوة بلوزتك هي -مقدمة ايه اشلحها"، وراما تغرد "ممكن فولو ؟؟ - لا والله ما بعمل فولو لأي حدا بيشحدوا"، وسليمان يقول "فكرك بتحبني زي مابحبها ؟ يازلمه أنت مين بطيقك ، حل عني".

وعلي يغرد "قام فلان بتغيير صورته الشخصيه - اكتب تعليق .. مش منور"، اما ارام تقول "اللي يزعجك ازعجه واللي يضايقك ضايقه ؛ واعلم أنك مهما كبرت عقلك ترى له طاقة استيعابية"، وربيع حمدان يغرد "كثير انبسطنا امبارح وعنجد ما كانت ناقصيتك منيح ما اجيت"، وعمر "كم سعر هاي البلوزة؟ - خليها علينا اوك شكراً الك".

اما مصعب فقال "-ليش ما بشوف اشي الك عالفيس؟؟ -عاملك بلوك والله"، واحمد يقول "تخرجت : شو دخلك كيف حالك : زي الزفت"، والعوري يشارك عبر الهاشتاغ "متى بدنا نفرح فيك ما الك دخل حياتي وانا حر فيها مش ضروري تفرح على حسابي"، ومعتصم "-سلم على عمو .. بوس عمو -الله يقلعطك انت وابنك ".

وجميل يغرد "انتي مش زي اختي"، وبشرى تضيف "لا تسلم مباوسه بالصيف بالذات وانت جاي وقت الظهر مسامحينك من بعيد كويس"، وشيماء البخيت "-وين اللي بده يحكي او يرد خبر -والله مشغول -كذاب 24 ساعة مشغول!"، و"-بصير اخذ حبة بطاطا شكلهم زاكي -لا..سالتك اجيبلك قلتي لا ..ف لأ".

وتضيف "كيف طالع الفستان -منصحك صراحة ولونه بخزي وموضته قديمة"، وحلا تغرد "-بدك ضل سهرانة معك مشان لا تمل؟ -لا انخمدي..! نوم الظالم عبادة"، وسلام يقول "شو رايك بالتويت تبعتي .. لو اني صاحب التويتر كان لغيت حسابك"، وربيع يغرد "و شكله حماتي بتحبني بتاكلوا.. يزم جاي موعد غدا انت ما بتستحي".