ماذا يريد الشعب..!؟

هاشتاغ مع هنا الخطيب

* على هاشتاغ # بدي

* كل ما يريده الشعب من أمنيات في هذه الزاوية

الأنباط

جميعنا نسمع كلمة " بدي " يوميا، سواء اكان الطلب خاصا ام عاما، للجميع ام للفرد فالطلبات لا تنتهي، سواء اكانت رسالة لشخص اخر او لنفسك، فلا بد ان يجيء يوم وتتحقق بعض منها او كلها حسب طبيعة العزيمة التي يشعر بها الفرد، بعيدا عن السياسة، هذا ما اختص به هاشتاغ "بدي".

وتقول مرة "بدي اهاجر على مكان ما بعرف فيه حدا واعيش لحالي وما بدي حدا"، وربا "بدي وظيفة مشان الله"، وانجي تريد "بدي اكون الي بصمة بالمجتمع مش اكون عالة عالمجتمع، بدي اظل مع الشخص اللي قلبي اختاره بدي ارسم البسمة عوجوه الكل"، وسما " بدي ييجي يوم الخميس واخلص صيفي".

اما كاظم فيريد " بدي الله يخليني قاعدة ع قلب كل واحد وحدة مقهورين مني"، ووسام تضيف "يصير مجتمعنا العربي متقدم"، ودنيا تغرد "اكبر وجيب ولاد ويصير عندي احفاد يحكولي تيتا بس هاد الحكي بعد30 سنة"، واسيل عبيدات تتمنى "بدي سنة 2015/2016 تخلص وارتاح من التوجيهي بنجاح ومعدل عالي اكيد".

ومرام تشارك ما تريده "بدي بيتزا وبوزه وكولا وجبل شكلاته وورد احمر وفلوس ماتخلص وناس تضحك عطول والناس النفسيات تموت مره وحده كلهم سوا بس هدول"، وسماح فيبدو انها جائعة لانها تريد "فلافل من مطعم الجامعة مع راسين بصل وفجلة"، وبشر " بدي اعيش بزمن الفراعنة".

وفرح تطلب مازحة " بدي دينار والله برجعها"، وريم تريد "بدي أسافر عكوريا وبدي بيتزا"، ومؤمن لا يطلب الكثير فقط "بدي انام اسبوع كامل واصحى الاقي مليون دولار بحسابي"، وبراءة احمد "بدي يكون عندي قوة خارقة"، وسلسبيل يبدو عليها الوحم فتقول "بدي ملوخيه ودوالي  وتبوله وكبه ومحاشي وششبرك وعدس ومجدرة ومقلوبه".

اما سنان فقال " بدي أرجع لزمن كانت تغني فيه فيرور واكون بحفله الها"، والضمور يقول " بدي الناس ترجع مبسوطة"، وريهام " بدي موبايلي اللي انكسر، او حدا يجيبلي واحد جديد"، وشهد " بدي راحة بالي والاقي طريق سعادتي"، وفاطمة تتمنى الخلاص "بدي أخلص من أم هل توجيهي الي في 5 سنين وهاي السنه السادسه والله حرام كلو من ورا الانجليزي".

واية تريد "3 مليون دولار اسلك أموري فيهم ودينارين فراطة اشتري فيهم مي لما اعطش"، وسارة " بدي اعلم ولادي اللي ما تعلمتو واخليهم يعملو اللي ماقدر اعملو"، وملاك " بدي خزانة كبيرة جدا ومليانة اواعي وبوات وكلشي"، و" بدي بطاقة فيزا مابتفضاش".

ولؤي يغرد " بدي راتب بدون شغل وانجح بدون دراسة او اقساط جامعة، وبدي الاقي عروس تفصيل للي ببالي وامي تضلها حبيبة قلبي واخواني يزيدوني مصاري واسافر بدون فيزات"، وايفان "بدي شخص يشبهني ،يشبهني من جوا يشبه طريقة تفكيري و جنوني و عفويتي و بساطتي".

اما هنادي فقالت " بدي اصحى الصبح والاقي باقة ورد جنب التخت، وبدي الاقي بس ليوم واحد فطوري جاهز لحاله والقهوة ريحتها معبية البيت، وبدي لما اخلص كل هدول هدية حلوة واواعيي كلها مكوية، بحلم صح".